Ембімұнайгазда жұмысшы мамандар арасындағы үздіктер анықталды

«Ембімұнайгаз» АҚ-ның өндірістік-құрылымдық бөлімшелерінің жұмысшы мамандықтары арасындағы дәстүрлі шара – «Үздік маман-2025» сайысы аяқталып, үздіктер анықталды.

Қатысушы 81 жұмысшы арасынан Мұнай және газ өндіру операторы, Ұңғымаларды жерасты жөндеу операторы (бригада), Ұңғымаларды зерттеу жөніндегі оператор, Тауар операторы, Жерасты қабат қысымын сақтау операторы, Технологиялық қондырғылар операторы, Химиялық талдау лаборанты, Слесарь-жөндеуші, Цементтеу агрегатының машинисі (моторшысы), Компрессорлық қондырғылардың машинисі, Электргазбен дәнекерлеуші, Темір жонушы, Электр жабдықтарын жөндеу және қызмет көрсету жөніндегі электромонтер (бригада), Көлік жүргізушісі, Технологиялық сораптардың машинисі мамандықтары бойынша жеңімпаздар есімі белгілі болды.

Жалпы қорытынды ұпайлар бойынша командалық есепте 1 орынды «Жылыоймұнайгаз» МГӨБ, 2 орынды «Доссормұнайгаз» МГӨБ, 3 орынды «Қайнармұнайгаз» МГӨБ ұжымы иеленді.

15 аталым бойынша І, ІІ, ІІІ орын иегерлері ақшалай сертификаттар және имидждік сыйлықтарға ие болды және бұл жұмысшылардың еңбекақысына бір жыл бойы пайыздық үстемеақы қосылады.

Сонымен қатар, өзге қатысушылар ынталандыру сыйақысына ие болды.